Китептер


Бул бетте кыргыз тилинде жаңы чыккан китептер, дегеле китептер тууралуу ой-пикирлер менен бөлүшсөк дейбиз.

Бишкекте “Акыл кенчи” китебинин бет ачары болду

26-ноябрда Бишкектеги Кыргыз Республикасынын Улуттук китепканасынын жыйындар залында акын, котормочу Кубанычбек Басылбековдун “Акыл кенчи” аттуу китебинин бет ачары болуп өттү. Анда Ирандын даанышман акындары Рудакиден тартып, Фирдоуси, Саади, Насафиге чейинки 34 акындарынын тандалган чыгармалары кыргыз тилине которулган.

Бул Кубанычбек Басылбековдун үчүнчү Иран акындарынын ырларын кыргыз тилине которгон китеби. Буга чейин “Дил сыры” жана “Чыгыш берметтери” аттуу китептерди которгон. Белгилей кетүүчү жагдай, аталган үч китепти тең Иран Ислам Республикасынын Кыргызстандагы элчилигинин маданий өкүлчүлүгү демөөрчүлүк кылып басмадан чыгарган. Китептин бет ачарына КР Президентинин Администрациясынын өкүлдөрү Иран Ислам Республикасынын Кыргызстандагы элчилигинин кызматкерлери жана республикабыздагы ирандыктар, акын, жазуучулар, студенттер катышты.

Э.Момунов, «Кабар» МА, 27.11.2010-ж.

“Темирлан” китеби жарык көрдү

Асылбек Оморовдун “Темирлан” аттуу китеби жарык көрду. «Темирлан» китеби кыргыз изилдөөчүлөрдүн биринчи эмгеги болуп эсептелет. Роман илимий-изилдөөчүлүк мүнөзгө ээ жана орто кылымдардагы дүйнөлүк тарыхта Осмон империясынын, Чыңгызхандын жана Темирландын кыргыздар менен генеологиялык байланыштары тууралуу баяндалат.

Китептин автору А.Оморовдун айтымында, «Темирлан» китеби «Чынгызхан»-«Темирлан»-«Осмон империясы» үчилитигинин экинчи бөлүмү болуп эсептелет.

КРнын эл акыны Ш.Дүйшеевдин эки китеби жарык көрдү

Октябрдын башында КРнын эл акыны, белгилүү журналист, публицист Шайлообек Дүйшеевдин “Ал” жана “Туз” деген аталыштагы эки китеби жарык көрдү, деп билдирет “Кабар” МА. Акындын өзүнүн айтуусунда, бул эки жыйнакта мурда мезгилдүү басма сөз беттеринде жарык көрүп келген жана акыркы мезгилдеги турмуш, сүйүү, мекенчилдик, адептүүлүк темаларында жазылган ар кыл ырлары, поэмалары, дастандары камтылган. Ошондой эле аталган жыйнактардан акындын улуттук маданият, мамлекеттик тил, учур маселеси тууралуу ыр саптарына камтылган ойлорун окууга болот.

Эскерте кетүүчү жагдай, Ш.Дүйшеевдин мындан мурда “Манас” эпосундагы айтылуу Каркыра жайлоосунда өткөн Көкөтөйдүн ашында Кошой менен Жолойдун күрөшүн баяндаган “Эки дөөнүн күрөшү” аттуу китеби жарык көргөн болчу.

Жооп калтыруу

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Өзгөртүү )

Google photo

You are commenting using your Google account. Log Out /  Өзгөртүү )

Twitter picture

You are commenting using your Twitter account. Log Out /  Өзгөртүү )

Facebook photo

You are commenting using your Facebook account. Log Out /  Өзгөртүү )

Connecting to %s

%d bloggers like this: